Alles kan’k hebben
Alles kan’k hebben
onkruud tussen de tegels,
’t olde eikenblad, de uut-ebluide
hortensia’s kan’k mit dreuge ogen
uutknippen, daor bin’k warkelijk een harde in.
Maor zevenblad in ’t veurjaor,
net uutlopend, lochtig gruun nog,
tussen vochtige vrouwenmaantel, nee!
persiflage op : “Alles kan ik verdragen” van Rutger Kopland
geschreven tijdens workshop Ton Peters, schrieversdag Huus van de Taol